في حدث لا يتكرر إلا كل 57 سنة فتحت الحصالة.. أو بمعنى أصح قَلَبت الحصالة.. أيوة يافندم اللي حضرتك سمعته مظبوط.. حصالة الذكريات اللي بطلت أشيل فيها فلوس من وأنا في تانية إبتدائي تقريباً.. و اللي باشيل فيها كل حاجة بحب أحتفظ بيها.. الحاجة اللي طبعاً بنسى أنا شيلتها فين بمجرد ما أحطها في الحصالة و بلاقيها بعد كدة لما يكون الأوان فات و مبقيتش محتاجلها خلاص.. المهم تقريباً إمبارح كان العيد السابع والخمسين لآخر مرة قلبت فيها الحصالة (وساعتها كان عندي في البيت الأستاذ حامد الجامد في حدث لا يتكرر إلا كل 57 سنة برضة و كنت بدوّر على صورة ليّا وأنا صغير).. المهم قلبتها.. وُصُلات.. صور.. كروت.. ورق.. و في وسط الورق ده لقيت حاجات قديمة كنت كاتبها أيام ما المعلم ميشو ضمني كأول عضو في الصحبجية (رمضان اللي قبل اللي فات تقريباً).. في عز مانا مزنوق في التحضير للحفلة و مش لاقي حاجة أحطها في البلوج.. حبيت أحطها لأني دلوقتي حاسس إني في نفس المود و بتثير عندي مشاعر مختلطة من الخوف والفرح و الحماس والحزن.. خليط بحس معاه برغبة في البكاء.. متخبط.. جايز.. مجنون.. أكيد.. بس ده اللي حسيته بدون أي مونتاج
خايف بس مش عارف..أكمل ولا محلك سر
ده طريقي طويل ومش شايف..آخر ليه ولا شايف بَر
وبقالي كتير مستني..وبقالي كتير عايز أغني
ولأمتى ياصوت تهرب مني..ولأمتى أنا هافضل أشرب مُر
***
ده غنايا راح يشفي جروحي..وينسيني جرحك و أساكي
وصوتي هايعلى و بطموحي..أنا هاقدر أفتح شباكي
وهاشوف الدنيا من غيرك..وهاشيل صورتك من جدراني
يا حبيبتي خلاص باركي لطيرك..هايطير ويغني من تاني
والكون راح يسمع لغنايا..والدنيا هاترقص جوايا
ولا عمري هافكر في حكاية..حب وراحت وأهي خدت الشر
ولا عمري هاكون محلك سر
11 comments:
حلو اوي حماسك ده على ان انت تبقي افضل معبر اوي الكلام ده بالرغم من انه موجز..
الدنيا من حوالينا بتبقى زي ماحنا عايزين نشوفها.. اتمنى ان على طول تشوفها ممكن التغلب عليها وتحقق كل طموحاتك..
وعلى صوتك بالغنا .. (:
اجمل شئ في ما كتبت هو نبرة التفاؤل رغم الحزن الواضح والاصرار على تجاوز احزان الماضي وهذا ليس سهلا على كثر
2oltelak ra2yee zamaan sa3et 2awel marah sam3tahaly fel kollya ...7elwaaaaa ta7n ya bremz :D
w de eih elly 7ataha fe el7asalah
bma eny shoftha mra zmaan...we knt m3ak fe yom el7sala elmshhood...we kman 2retha dlw2ty
fa a7b a2olk lelmra elrab3a b2a..enha gamda ya sh2e2 t7n..we msh h2lk anhy 7eta ely 3gbany b2a...lol
:) how i like this decisiveness and strength!!
wtg!
7elwa awy.. sa7ee7 eh elly 7ataha fel 7asala? why would u put it away i mean?
i like the rhythm in it...tayeb matghaneeha :D
hoby:
el 7amas 7elw bas el e7bat we7esh awy.. w sa7 awy mawdo3 en el wa7ed beyshof el donya zay ma howa 3ayez yeshofha bas maya7'odsh kol 7aga 3ala sedro..
w lessa el a3'any momkena :D
pegasus:
mahy heya di el masha3er el mo7'talata elly kont a2sodha..
thnx 4 ur comment
kelma:
walahy ana hamot w a3raf a elly wadaha fel 7assala !!!!
frozen love:
anhy 7etta di ya she2.. heheheeeee :P
epitaph:
thnx alot.. teslamy ya shabba :D
maat:
wallahy di w kaza 7aga kaman kan b2aly fatra badawar 3leehom.. w bel sodfa la2et.hom fel 7assala..
mawdo3 a3'anneha da ba2a keda teb2y bte2ta3y 3eesh 3m 7amed w 3m ra2of.. el wa7ed bardo lazem yeseeb forsa lel shabab el wa3ed da :D.. w saba7 el fol ya reggala
انت يا ابني هتبقا مشهور اكيد
اكيد
اتنبالك بمستقبل
wala hat2ata3 3alehom wala 7aga...baddelo amaken showaya, khalehom homma yeghanno ely ent tektebo :D :D yeb2a fe no3 men el mosharka! bas ana mesh mas2oola law el nas 7adefet.hom b beid w tamatem (unless they actually sound good!)... w 3ashan most2abal el band...balash yeghano ta7t esmo... :D
ازيك يا عبده
فيه جمله قلتها في رباعيه بتقول
ـ هوه احنا ايه غير حبتين حب وحنين
لازم حنينا ياخدنا ويودينامادمنا لسه بشر وإحساسنا أقوى مننا
تحياتي
يمكن أول مرة ليا أعدي في الشارع بتاعك
بس مبسوط بجد
وبكل الصحبجية
شفتهم في كذه بلوج
بالتوفيق
يمكن مش هعرف اقابلكم لبعد المسافة
بس شوفوا شغلي عندي وقولوا رأيكم
تحياتي
Post a Comment