tag:blogger.com,1999:blog-6655296485269656612012-02-16T17:59:40.824-08:00دحــــلاب المســـــــــاعبده الكرفhttp://www.blogger.com/profile/00556730392998172256noreply@blogger.comBlogger61100tag:blogger.com,1999:blog-665529648526965661.post-83757734452372702392007-03-02T08:04:00.000-08:002007-03-02T08:42:49.253-08:00<div align="center"><br /><span style="font-size:130%;">في حدث لا يتكرر إلا كل 57 سنة فتحت الحصالة.. أو بمعنى أصح قَلَبت الحصالة.. أيوة يافندم اللي حضرتك سمعته مظبوط.. حصالة الذكريات اللي بطلت أشيل فيها فلوس من وأنا في تانية إبتدائي تقريباً.. و اللي باشيل فيها كل حاجة بحب أحتفظ بيها.. الحاجة اللي طبعاً بنسى أنا شيلتها فين بمجرد ما أحطها في الحصالة و بلاقيها بعد كدة لما يكون الأوان فات و مبقيتش محتاجلها خلاص.. المهم تقريباً إمبارح كان العيد السابع والخمسين لآخر مرة قلبت فيها الحصالة (وساعتها كان عندي في البيت الأستاذ <strong><span style="color:#3333ff;">حامد الجامد</span></strong> في حدث لا يتكرر إلا كل 57 سنة برضة و كنت بدوّر على صورة ليّا وأنا صغير).. المهم قلبتها.. وُصُلات.. صور.. كروت.. ورق.. و في وسط الورق ده لقيت حاجات قديمة كنت كاتبها أيام ما المعلم <strong><span style="color:#3333ff;">ميشو</span></strong> ضمني كأول عضو في <span style="font-size:180%;color:#ff0000;">الصحبجية</span> (رمضان اللي قبل اللي فات تقريباً).. في عز مانا مزنوق في التحضير للحفلة و مش لاقي حاجة أحطها في البلوج.. حبيت أحطها لأني دلوقتي حاسس إني في نفس المود و بتثير عندي مشاعر مختلطة من الخوف والفرح و الحماس والحزن.. خليط بحس معاه برغبة في البكاء.. متخبط.. جايز.. مجنون.. أكيد.. بس ده اللي حسيته بدون أي مونتاج<br /><br /><br /><br /><span style="color:#3333ff;">خايف بس مش عارف..أكمل ولا محلك سر<br />ده طريقي طويل ومش شايف..آخر ليه ولا شايف بَر<br />وبقالي كتير مستني..وبقالي كتير عايز أغني<br />ولأمتى ياصوت تهرب مني..ولأمتى أنا هافضل أشرب مُر<br />***<br />ده غنايا راح يشفي جروحي..وينسيني جرحك و أساكي<br />وصوتي هايعلى و بطموحي..أنا هاقدر أفتح شباكي<br />وهاشوف الدنيا من غيرك..وهاشيل صورتك من جدراني<br />يا حبيبتي خلاص باركي لطيرك..هايطير ويغني من تاني<br />والكون راح يسمع لغنايا..والدنيا هاترقص جوايا<br />ولا عمري هافكر في حكاية..حب وراحت وأهي خدت الشر<br />ولا عمري هاكون محلك سر</span></span></div><div class="blogger-post-footer"><img width='1' height='1' src='https://blogger.googleusercontent.com/tracker/665529648526965661-8375773445237270239?l=ahmad-salama.blogspot.com' alt='' /></div>عبده الكرفhttp://www.blogger.com/profile/00556730392998172256noreply@blogger.com12tag:blogger.com,1999:blog-665529648526965661.post-83638648031068218182007-02-11T22:21:00.000-08:002007-02-06T02:53:14.097-08:00<div align="right"><br /><span style="font-size:180%;">أنا أول مرة أقع في ترب التاج دة.. بس ع العموم إشطة.. أما نشوف الناس دي عايزة مننا إية<br />__________________<br /><br /><br />اية اللي حيحصل لايميلك لما تموت ؟<br /><span style="color:#3333ff;">مش عارف الصراحة.. متهيألي لما أموت مش هتبقى دي المشكلة اللي بتواجهني</span><br /><br />اديت الباس وورد لحد قبل كده؟<br /></span><span style="font-size:180%;"><span style="color:#3333ff;">لأ طبعاً<br /></span><br />لو اه كانت طبيعة علاقتك بيه اية؟<br /><span style="color:#3333ff;">ما قلنا لأ</span><br /><br />اسمك؟<br /><span style="color:#3333ff;">أحمد أنور</span><br /><br />اسم الدلع المشهور في وسط اصحابك؟<br /><span style="color:#3333ff;">أنور.. و ساعات أنّو.. غير كدة بيبقى في الألقاب المطاطية.. المطاطية اللي هي ممكن تتقال لأي حد.. زي: (برنس و كبير و شقيق و بوب) و كدة يعني</span><br /><br />عمرك؟<br /><span style="color:#3333ff;">ماشي في ال 22</span><br /><br />برجك؟<br /></span><span style="font-size:180%;"><span style="color:#3333ff;">الأسد<br /></span><br />مجالك او مجال دراستك ؟<br /><span style="color:#3333ff;">هندسة.. عمارة</span><br /><br />شخصيتك نوعها اية؟<br /><span style="color:#3333ff;">متقلبة التنيييييييييييييييييييين.. مريض من الأخر</span><br /><br />السفر بالنسبة لك؟<br /><span style="color:#3333ff;">متعة.. حتى لو كانت أبو أتاتة</span><br /><br />المود بتاعك؟<br /></span><span style="font-size:180%;"><span style="color:#3333ff;">متقلب برضة (راجع سؤال الشخصية).. بس حالياً في سنّة تفاؤل.. إستر يااااااااا رب<br /></span><br />وقت فراغك بتعمل فيه اية؟<br /></span><span style="font-size:180%;"><span style="color:#3333ff;">مافيش حاجة إسمها أنا الساعة كذا بعمل كذا.. أنا عن نفسي بحب أرسم أو أكتب بس وقت ما يجيلي مزاجي مهما كان ورايا حاجات.. بلاش وقت فراغي بقي و حوارات ماما سامية دي<br /></span><br />الاكلة المفضلة؟<br /></span><span style="font-size:180%;"><span style="color:#3333ff;">الأكل نفسه شئ مفضل عندي<br /></span><br />الصفات اللي خدتها من بابا؟<br /><span style="color:#3333ff;">في ناس رأيها إن أنا شبهه.. بس</span><br /><br />الصفات اللي خدتها من ماما؟<br /></span><span style="font-size:180%;"><span style="color:#3333ff;">أي حاجة كويسة فيّا<br /></span><br />اكتر 6 حاجات بتكرهها؟<br /></span><span style="font-size:180%;"><span style="color:#3333ff;">الحموضة<br />الحر<br />الغباوة<br />الكلام الكتير.. أو بمعني أصح الأي كلام الكتير<br />الزحمة<br />الأنانية<br />قناة ميلودي<br /></span><br />اكتر 6 حاجات بتحبها؟<br /></span><span style="font-size:180%;"><span style="color:#3333ff;">ماما<br />اللي بيعمل أكتر ما بيتكلم<br />الهدوء<br />البسلة بالجزر<br />ولاد إخواتي (الخال والد برضة)<br />الفلوس<br /></span><br />الشغل بالنسبة لك؟<br /></span><span style="font-size:180%;"><span style="color:#3333ff;">رعب.. خايف من اليوم اللي يتطلب مني أطبّق اللي إتعلمته<br /></span><br />اية الكومبيوتر والانترنت بالنسبة لك؟<br /><span style="color:#3333ff;">طفرة.. ثورة.. حاجة كدة هايتقسّم التاريخ قبلها و بعدها زي إختراع الكتابة و الثورة الصناعية</span><br />__________________<br /><br />الحقيقة أنا كنت إنشغلت حبة كدة في الأجازة.. و ماكنش في حاجة في دماغي برضة.. فالتاج دة جه مصلحة الصراحة.. ع العموم مشكرين يا حاج كلمة.. و نايس تاج يا رجالة<br /></span> </div><div class="blogger-post-footer"><img width='1' height='1' src='https://blogger.googleusercontent.com/tracker/665529648526965661-8363864803106821818?l=ahmad-salama.blogspot.com' alt='' /></div>عبده الكرفhttp://www.blogger.com/profile/00556730392998172256noreply@blogger.com7tag:blogger.com,1999:blog-665529648526965661.post-71874117559310984812007-01-14T14:59:00.000-08:002007-01-14T15:28:31.091-08:00<div align="center"><a href="http://1.bp.blogspot.com/_NEuEe9flp8M/Raq1-FZceAI/AAAAAAAAAAc/RtwjFwhLbk0/s1600-h/1931_06.JPG"><img id="BLOGGER_PHOTO_ID_5020024812863256578" style="DISPLAY: block; MARGIN: 0px auto 10px; CURSOR: hand; TEXT-ALIGN: center" alt="" src="http://1.bp.blogspot.com/_NEuEe9flp8M/Raq1-FZceAI/AAAAAAAAAAc/RtwjFwhLbk0/s320/1931_06.JPG" border="0" /></a><br /><span style="font-size:180%;">سنين بتفوت عليا<br />ولا تترك شئ فيا<br />نفس الإنسان أنا.. نفس السنين هيّ<br />والساعة بتبصلي.. تضحك بسخريّة<br />عقاربها دوّارة.. ماشية بحُرية<br />وأنا زي مانا واقف<br />شايف.. ومش عارف<br />إيه اللي بإيديا<br />ولأمتى يا زماني.. تفضل تدور بيا<br />و هتستناني ؟.. ولا السنة الجاية<br />هيكون واحد تاني.. بيغني دي الأغنية<br />و أنا في مكان تاني.. رحت و ماليش ديّة<br />وهو في مكاني<br />وبرضُه بيعاني<br />نفس اللي بكاني<br />واللي جرى ليا</span><br /></div><div class="blogger-post-footer"><img width='1' height='1' src='https://blogger.googleusercontent.com/tracker/665529648526965661-7187411755931098481?l=ahmad-salama.blogspot.com' alt='' /></div>عبده الكرفhttp://www.blogger.com/profile/00556730392998172256noreply@blogger.com6tag:blogger.com,1999:blog-665529648526965661.post-81506141804658649942007-01-07T10:33:00.004-08:002007-01-07T11:40:09.037-08:00<div align="right"><span style="font-size:180%;">لاحظت من فترة طويلة إن في مشهد بيتكرر في كل الأفلام و المسلسلات و حتي كليبات الأغاني و هو إن البطل (أو البطلة) لما بيحصله أي صدمة عاطفية أو نفسية أو متخانق مع حبيبته أو في حد بيهدده بمستندات خطيرة أو متضايق لأي سبب كان حتى لو كان إنسداد حوض الحمام.. بيعمل الحركة الشهيرة جداً و هي إنه يبص لنفسه في المراية و بعدين يقوم حادفها بأي حاجة قدامه أو حتى يكسرها بإيده المجردة.. طب ليه..المراية ذنبها إيه.. إتفاق ضمني بين كل مخرجينا إن هو دة التعبير الوحيد عن عدم استقرار حالة البطل النفسية..يمكن البطل بيعاقب نفسه بشكل غير مباشر على الألم اللي هو فية عشان عقله الباطن بيهيأله إن هو سبب عذاب نفسه.. معنى غريب و تطبيق أغرب.. و ميتهيأليش إن في حد بيعمل كدة في الحقيقة.. و حتى لو في.. ماظنش إن دة حل كويس للمشكلة اللي بنتعرضلها أى كانت.. جايز يكون العيب فينا.. بس أكيد إنه مش في المرايه<br /><br /><br /><br /><br /></span><span style="font-size:180%;color:#3366ff;">- إنت تاني؟!! هو أنت ورايا ورايا<br />- يا عم أنا كلمتك؟ إنت هاتعملها حكاية<br />- أمال ليه أنت لازقلي و في كل حتة معايا..<br />وفي كل شئ مشاركني..<br />و كل يوم تخانقني..<br />بصراحة بقيت تخنقني.. لحد كدة و كفاية<br />- كفاية ؟؟!!!<br />كفاياك إنت تخبيط.. ركز و إفهم أنا مين..<br />أنا مرايتك يا عبيط.. وإنت: إحنا الاتنين..<br />و بدايتك هي بدايتي..<br />و حكايتك نفس حكايتي..<br />بقى جاي تعيب دلوقتي.. عليّا أنا المسكين<br />عيب عالدنيا المقلوبة..<br />على حياتنا المخروبة..<br />و مشاعرنا المضروبة.. تقولش صنع في الصين<br />دة إنت اللي طلعت صحيح مسكين..<br /><br /><br /><br /><span style="font-size:100%;">أحمد أنور</span></span></div><div class="blogger-post-footer"><img width='1' height='1' src='https://blogger.googleusercontent.com/tracker/665529648526965661-8150614180465864994?l=ahmad-salama.blogspot.com' alt='' /></div>عبده الكرفhttp://www.blogger.com/profile/00556730392998172256noreply@blogger.com10tag:blogger.com,1999:blog-665529648526965661.post-68994178241994326762007-01-06T18:42:00.001-08:002007-01-07T11:04:22.372-08:00<div align="right"><br /><span style="font-size:180%;">مش عارف لية في شعور قوي جداً بيراودني من ساعة ما رجعت أكتب تاني و هو إني نشال و لسة خارج من السجن.. إيديا تقيلة و الحركات بطيئة و زي ما أكون متكتف في وسط زحمة أتوبيس و مطلوب مني إني أبقي خفيف الحركة وسط كل دة.. أكيد دي حاجة طبيعية إني ألاقي صعوبة في إني أعمل حاجة بقالي كتير معملتهاش.. الحوار اللي مجنني هو إشمعنى ال تشبيه دة بالذات هو أول حاجة بتيجي في دماغي لما بحس إني مش عارف أكتب.. غريبة الحكاية دي.. متهيألي إن دي تخاريف عقل لأول مرة بحاول أشغله من فترة طويلة.. أكيد طبعا مخي بيهز نفسه عشان يطلع من تحت طبقات الصدا اللي غطته و يشيل خيوط العنكبوت اللي عششت فيه (مش مخي كله طبعا أنا قصدي على الجزء المسئول عن الكتابة لو كان في حاجة إسمها كدة يعني).. و بالنسبة لموضوع الصدا و العنكبوت دة أنا عموماً حاسس إن أنا من جوة عامل زي البدروم اللي مليان كراكيب و تراب و حاجات ليها لازمة ماكنتش لاقيها عشان كانت تايهة في وسط حاجات كان المفروض تترمي من زمان و حاجات غريبة عليا معرفش إية اللي جابها هنا أساساً.. ذكريات جميلة و ذكريات مؤلمة و أحلام نسيتها و حاجات لسة مجاش وقتها.. إكوااااااام من الكراكيب محتاج ييجي شهر أرتب فيها بالورقة و القلم.. و بعد كل دة مستغرب أوي موضوع النشال دة؟ .. دة كويس إني مش لابس طاسة على دماغي و بجري في شوارع القاهرة على إيدي و رجلي.. بمقلب الزبالة اللي جوايا دة أنا مش بعيد عن كدة فعلاً و الحمد لله إنها رسيت على موضوع النشال دة.. الحمد لله فعلاً ..<br /><br />"هاو هاو هاو</span>"</div><div class="blogger-post-footer"><img width='1' height='1' src='https://blogger.googleusercontent.com/tracker/665529648526965661-6899417824199432676?l=ahmad-salama.blogspot.com' alt='' /></div>عبده الكرفhttp://www.blogger.com/profile/00556730392998172256noreply@blogger.com5tag:blogger.com,1999:blog-665529648526965661.post-6732528769446597312007-01-05T17:42:00.000-08:002007-01-06T19:41:30.051-08:00<div align="right"><br /><span style="font-size:180%;">بالليل و الدنيا ضلمة.. الجو برد لدرجة غير ادمية.. إحنا فعليا في عز الشتا.. النهاردة أنا منزلتش من البيت و من ساعة ما صحيت قاعد قدام الكومبيوتر باعمل لاشئ.. النهاردة السبت و عندي إمتحان خرسانة يوم الخميس و لغاية دلوقتي ماجبتش الورق.. الساعة بقت 4 صباحا و إحساس الإكتئاب بيتصاعد من ساعة ما صحيت لغاية دلوقتي.. و المفروض إني أصحى بدري عشان أنزل أجيب الورق و أبتدي أذاكر المادة اللي معلوماتي فيها معلومات طفل في الثالثة عن زحف التصحر على غابات جنوب إفريقيا.. وجع مميت في ضهري.. صداع قاتل.. زغللة.. حموضة.. باختصار أنا في أفضل الحالات النفسية اللي ممكن تأهلني إني أعمل البلوج دة أو عموماً إني أرجع أكتب تاني بعد توقف طويييييل..<br /><br />إفرجها ياااااااااا رب</span>..</div><div class="blogger-post-footer"><img width='1' height='1' src='https://blogger.googleusercontent.com/tracker/665529648526965661-673252876944659731?l=ahmad-salama.blogspot.com' alt='' /></div>عبده الكرفhttp://www.blogger.com/profile/00556730392998172256noreply@blogger.com4